Thursday, June 8, 2023

|

R.I.P. TOP CHANNEL

po lexohet

Një garë “e egër” përpjekjesh për të fituar çmimin “ERTV 2”, ka filluar prej javësh në disa televizione në vend. Secili ekran ka sjellë për audiencën, qëndrime, komente, e ndoshta edhe ndonjë fakt, “për të rënë në sy të jurisë”, në mënyrë që dikush në katin e tretë të Godinës krah Piramidës e Rognerit në Bulevardin “Dëshmorët e Kombit”, të japë çmimin e rëndësishëm. Top Channel, ndryshe ka historia e tij, kur iu imponohej qeverive të vështira të tranzicionit, arriti deri në pikën që bëri një koment redaksional, për t’u thënë shikuesve të tij në ikje, se Lulzim Basha, kishte lidhje me atë “kasetën” e famshme. Shikuesve besnikë të Topit, të cilët edhe pse i kanë pakësuar orët e mbajtjes së telekomandës aty, sërish i shohin edicionet e lajmeve, u habitën pak sesi TCH mbajti një qëndrim që nuk e kishte mbajtur as Rama vetë.

Dikujt i vajti mendja se TCH po shndërrohet në një BBF (Ben Blushi Factory), duke shkuar edhe më tej se ai dreq Blushi, aq simpatik për njerëzit kur i kundërvihej Ramës si politikan, apo kur botonte romanet interesante, po tentonte të rikthehej në majë, duke pretenduar edhe të jetë më katolik se Papa. Por shpejt e shuajti këtë kuriozitet, me lajmin vijues, i cili e bindi përfundimisht se Topi po synonte të kthehej në kanalin e dytë të kryeministrit, i cili me sa duket, po tenton të krijojë një Platformë kanalesh televizive, ose një ERTV 2, ERTV 3, etj.

Por këto qëndrime të Top Channel, kanë shkaktuar furtunë në Reporter TV, pasi pronari ua ka vënë në dukje stafit se Topi po ia merr në kthesë në raportin me Ramën, duke kërkuar edhe më tepër punë sesa 14 orë në ditë, e duke porositur një “bërje pis” me, apo pa fakte, për kundërshtarët e Ramës. Vetë Carlo, ka nisur një seri editorialesh, ku edhe pa qenë gjëkund prezent, betohej se kishte dëgjuar për një kasetë e për Lul Bashën që lidhej me të. Madje Carlos nuk ka kaluar pa i rënë në sy, se nuk ka qenë më i ftuar në Open në Top Channel, cka e ka bindur se lufta për t’iu afruar sa më shumë të Madhit, është bërë e egër, e drejtpërdrejtë dhe e pamëshirshme.

Ndërkohë stafi i ERTV-së, ka patur kritika për mungesën e profesionalizmit të kandidatëve për t’iu bashkuar platformës, pasi nuk kanë gjetur as burime për të bërë lajmet, cka është e palejueshme për gazetarë të mirë. Konkursi do të zgjasë deri 1 muaj para zgjedhjeve, e derisa të dalë marsi, e të hyjë prilli, do të ketë ende përpjekje dypalëshe, në mos, trepalëshe, për të marrë çmimin ERTV 2 e ERTV 3.

Koha kur Top Channel, ia mblidhte qeverive, apo i detyronte të merrnin vendime në favor të interesit publik, me sa duket është lënë pas. E ardhmja janë plaftormat televizive…qofshin ato edhe qeveritare.

/Vip-Magazine.al/

të fundit

10 ditë nga dasma, Arbana Osmani dhe Eduart Grishaj nisin me “ahengun” (VIDEO)

Arbana Osmani dhe Eduart Grishaj do të martohen së shpejti me një ceremoni private në Toskana Itali. Është bërë e...

të ngjashëm