Luana Vjollca do të rikthejë programin “Shiko kush luan” në Top Channel.
Pas disa eksperiencave në dy ekrane, Luana duket se do të kthehet në dashurinë e parë televizive.
E ftuar në “Goca dhe gra”, Luana u pyet pse nuk do ta moderojë “Ferma Vip” këtë sezon, pas edicionit të vitit të kaluar nën drejtimin e saj.
“Është e rëndësishme të dish kur ndalon diçka për një hap më të madh. Ose diçka tjetër në jetën tënde. Unë kam qejf të rritem gjithmonë”, u shpreh Luana.
Ajo u pyet edhe për emisionin më të suksesshem ku veçoi “Shiko kush Luan”. “Vula ime e suksesit ishte emisioni “Shiko kush luan”. Nuk e them vetëm unë. E thotë i gjithë publiku që edhe pas kaq shumë vitesh e kërkojnë”, deklaroi Luana duke pohuar se e ka marrë malli të luajë sërish.
