Air Albania rifillon fluturimet e rregullta me Stambollin në 22 qershor

Air Albania, operatori shqiptar i tregut ajror, ka njoftuar se nga 22 qershori do të rifillojë fluturimet e rregullta drejt Stambollit.

Air Albania bëhet operatori i katërt që rifillon fluturimet pas Austrian Airlines, që ka nisur me Vjenën katër herë në jave, Aegean Airlines me Athinën dhe Air Serbia me Beogradin.

Përpara mbylljes nga Covid 19, Air Albania filloi fluturimet dhe drejt Italisë dhe planifikonte Londrën. Kompania tha se shumë shpejt do nisin fluturimet dhe drejt destinacioneve të tjera.

Lexo edhe:

Temperaturat e larta, apeli i mjekëve: Shmangni daljet në orët e pikut! Konsumoni sa më shumë ujë

Fondacioni Domi gëzon fëmijët e Shtëpisë së Fëmijës “Zyber Hallulli” në Tiranë

Gazetarja denoncon Vodafone dhe One: Bëjnë ç’të duan me çmimet, edhe muajin e kanë bërë 25 ditë

Akila, gazetarja me inteligjencë artificiale që synon të dëgjojë 1 milion shqiptarë

Në vitin 2019 nga dhe drejt Aeroportit të Rinasit fluturuan rreth 3.3 milionë pasagjerë, duke arritur një nivel rekord. Gjysma e pasagjerëve kishin si destinacion kryesor Italinë.

Dje, Tirana International Airport njoftoi se kanë rifilluar fluturimet në tre destinacione nga Aeroporti i Rinasit, në Vjenë, Athinë dhe në Beograd

Por, aeroporti paralajmëroi se nisjet nga Shqipëria janë ende të kufizuara për personat që nuk janë të pajisur me leje qëndrimi apo pasaportë për destinacionet e sipërpërmendura. Lejohen të udhëtojnë vetëm rezidentët në Bashkimin Europian dhe nënshtetasit EU./Monitor