Për vite me radhë, konsumatori shqiptar është përballur me një dilemë të vazhdueshme: të zgjedhë produkte cilësore me çmime më të larta ose të kursejë në kurriz të cilësisë. Në një treg ku fuqia blerëse mbetet sfiduese për shumë familje, gjetja e këtij ekuilibri ka qenë gjithmonë e vështirë.
Megjithatë, zhvillimet e fundit në sektorin e retail-it tregojnë se kjo qasje po ndryshon gradualisht.
Sot, konsumatorët nuk kërkojnë më thjesht produkte të lira. Ata janë më të informuar, krahasojnë më shumë, lexojnë përbërësit, interesohen për origjinën e produkteve dhe i kushtojnë rëndësi standardeve të sigurisë. Në veçanti, produktet e kujdesit personal, higjienës dhe mirëmbajtjes së shtëpisë janë kthyer në kategori ku cilësia konsiderohet po aq e rëndësishme sa çmimi.
Lexo edhe:
Në këtë realitet të ri, vëmendje të veçantë po tërheqin kompanitë që po përpiqen të sjellin produkte me standarde të larta europiane pa i larguar ato nga mundësitë ekonomike të familjeve shqiptare.
Një nga shembujt më interesantë është Rossmann & Lala, rrjeti që operon në Shqipëri prej vitit 2008 dhe që sot numëron 52 pika shitjeje në Shqipëri dhe Kosovë. Strategjia e fundit e kompanisë për uljen e çmimeve në kategori bazë si kujdesin personal, kujdesi oral, produktet dhe pastrimit të shtëpisë vjen në një moment kur familjet shqiptare po kërkojnë gjithnjë e më shumë vlerë për paratë që shpenzojnë.
Ajo që e bën këtë zhvillim të rëndësishëm nuk është vetëm ulja e çmimeve. Më e rëndësishme është vendosshmëria për të ruajtur standardin e cilësisë. Në tregun shqiptar, koncepti i cilësisë gjermane vazhdon të gëzojë besim të lartë te konsumatorët, pasi lidhet me kontrolle të rrepta, siguri dhe qëndrueshmëri të produkteve.
Për një familje shqiptare, kjo do të thotë më shumë mundësi për të blerë produkte të certifikuara dhe të besueshme pa qenë e detyruar të paguajë domosdoshmërisht më shumë. Në fund të fundit, produktet e pastrimit, higjienës personale apo kujdesit për familjen nuk janë artikuj luksi, ato janë nevoja të përditshme.
Nga ana tjetër, zgjerimi i vazhdueshëm i rrjetit të dyqaneve tregon se tregu shqiptar po bëhet gjithnjë e më tërheqës për investime afatgjata. Mbi 700 punonjës dhe dhjetëra pika shitjeje në dy vende të rajonit janë tregues se konkurrenca në këtë sektor po rritet, dhe kur konkurrenca rritet përfituesi më i madh është zakonisht konsumatori.
Nëse deri pak vite më parë produktet me standarde të larta europiane konsideroheshin të paarritshme për shumë familje sot duket se tregu po lëviz drejt një modeli tjetër: më shumë cilësi, më shumë zgjedhje dhe çmime më konkurruese.
Dhe kjo është ndoshta ajo që kërkon konsumatori shqiptar më shumë se çdo gjë tjetër, jo thjesht të paguajë më pak, por të marrë më shumë vlerë për çdo lek që shpenzon.
