Prej disa kohësh Jennifer Lopez dhe Alex Rodriguez, janë në qendër të vëmendjes për shkak se u tha se janë ndarë. Por ata i hodhën këto lajme poshtë, pasi u shfaqen duke u puthur dhe mjaft mirë në shoqërinë e njëri-tjetrit.
Ndërkohë duket se aktorja dhe këngëtarja e famshme është duke u marrë me punë, pasi po xhiron pjesë të filmit të ri “Shotgun Wedding” me aktorin Josh Duhamel. Në fotot e postuara në rrjetet sociale, ajo shfaqet e veshur me një fustan nusërie mjaft modern.
Nga ana tjetër, thuhet se ylli i bejsbollit, është duke e shoqëruar atë në Republikën Dominikane. 45-vjeçari po mundohet që t’i bëjë shumë surpriza partneres së tij 51-vjeçare.
Miqtë e Lopez kanë zbuluar se ai po përpiqet ta fitojë përsëri zemrën e këngëtares amerikane me lule e surpriza të ndryshme. Por, një burim thotë se ajo ende nuk i beson atij dhe se Arod pretendon se gjithçka është në rregull mes tyre.
