Riniani i Perputhen ka qenë i fejuar me një vajzë nga Rusia e quajtur Marsela. Kjo e fundit tashmë është e njohur për publikun pasi u zbulua se ajo ruante ende fotot në krahë të Rinianit.
Pasi këto foto bën xhiron në rrjet, erdhi edhe reagimi i Marselës, e cila përmes një postimi në Instagram i uronte Rinianit jetë të lumtur, teksa e konsideronte si një perlë e rrallë.
Kjo bëri që publiku të dyshojë se dyshja ende është në një lidhje dashurie, mirëpo përmes një lidhje direkte për emisionin, ajo tha se rrugët e tyre janë ndarë, por respekti dhe mbështetja vazhdojnë të jenë aty.
Ndërkohë së fundmi, opinionisti i “Përputhen Prime”, Meridian Ramçaj ka publikuar një foto pranë Marselës, duke zbuluar se ajo ka ardhur në Shqipëri.
Arsyeja e kësaj vizite të Marselës nuk dihet ende, por në një video të publikuar nga JOQ, shihet që ish e fejuara e Rinianit shoqërohet nga një djalë, që sipas dëshmitarëve është Ervis Kurti, 31 vjeçari i cili është bërë pjesë e “Për’Puthen” pak kohë më parë.
Dyshja futet në një nga hotelet e kryeqytetit, megjithatë nuk dihet me siguri nëse bëhet fjalë për Ervisin, edhe pse pamja është e ngjashme nga larg.
