Motra e Mateo Borrit, Kejsi, ka qenë e ftuar në emisionin “She’s On Air” në Top Albania Radio, ku ka folur për jetën e saj private si dhe ka komentuar pak postimet e saj në lidhje me Brikena Selmanin.
Sipas Kejsit, Mateo është e vështirë të bie në dashuri, po kur bie është e vështirë të dalë. Më pas ajo shton se nuk ka bërë ndonjëherë postime në rrjetet sociale që janë kunjë për Brikenën.
Pjesë nga intervista:
Lexo edhe:
A bie Mateo kollaj në dashuri apo do disa ditë?
Jo nuk e ka me tre ditë. Për mendimin tim, Mateo është shumë e vështirë që të bie në dashuri, por po ra vështirë se del. Po ra, është tamam ajo fjala bie.
Paska rënë domethënë tani?
Po. Po nonton tani.
Ti si motër, bën ndonjëherë atë rolin për t’a sjellë në vete?
Jo, se dashuria është ndjenjë shumë e bukur për t’u përjetuar nga çdokush. Unë nuk kam pse t’a nxjerr nga ajo ‘flluska’ e vet që është futur. Çdo njeri kur dashuron futet tek ajo ‘flluskë’ e vet, te ndjenjat dhe emocionet e veta. Nuk jam munduar me thënë të drejtën se ai po e shijon atë gjënë.
Motra si Kejsi paçim.
Më ka dalë nami se jam edhe motër e keqe.
Kush e ka thënë këtë?
Plasi rrjeti, i ke ndarë ti, ti ke bërë kështu, janë zënë prej teje.
Postimet që dukeshin sikur ishin një kunjë për Brikenën?
Ajo këngë nuk kishte lidhje fare me Brikenën. Nuk përpiqem më t’i mbush mendjen askujt. Jam goditur shumë në rrjet për këtë temën, por nuk kam dhënë kurrë një kundërpërgjigje sepse më është dukur budallallëk komplet.
