Gazetarja e njohur shqiptare, Kristi Gongo, e ftuar ditën e sotme në “S’e Luan Topi” , si rrallëherë është rrëfyer më shumë për jetën e saj private.
Gjithashtu gazetarja zgjodhi të na rrëfente dhe historinë e dashurisë me Gjergjin, vëllanë e Alban Dudushit, me të cilin ajo në Top, u njoh aty dhe po aty u dashurua.
“Gjergjin e kam njohur në Top Channel. Punonim bashkë, po ishte një kimi që në fillim, nga shikimet që shkëmbenim me njëri-tjetrin. Po bënim një reportazh për shtëpitë e vjetra të Tiranës, te një çift të moshuarish. Ndodh që edhe fati përcaktohet ndonjëherë. Nuk kishte nisur asgjë dhe nuk do të doja në atë kohë, me sa mbaj, të kisha një histori dashurie në punë. Po gjërat ndodhin dhe shumë mirë që ndodhin”,– thotë Kristi me të qeshur duke shtuar se Gjergji ishte ai që hodhi hapin e parë: “Më çonte ndonjë mesazh më tepër, filloi një komunikim më i lirshëm… dhe çdo gjë vijoi normalisht.”
Papritmas në studio u shfaq Gjergji teksa e surprizon atë me një tufë lule partneren në studio dhe kjo e fundit shton: “E vlerësoj si njeriun që ndiej një siguri të jashtëzakonshme, mund të flasim për çdo gjë dhe mund ta gjejmë zgjidhjen bashkë…”!
