Ky është filmi më i ndjekur i Krishtlindjeve në Netflix, por diçka nuk shkon siç duhet

Netflix ditët e fundit publikoi komedinë romantike të Krishtlindjeve “Our Little Secret”, ku në rolet kryesore janë Lindsay Lohan dhe Ian Harding.

Një film në drejtimin e Stephen Herek, ka një skenar të shkruar nga Hailey DeDominicis.

Historia ndjek dy ish-partnerë, Avery (Lindsay Lohan) dhe Logan (Ian Harding), të cilët, përmes një ngjarjeje të papritur, detyrohen të kalojnë Krishtlindjet së bashku. Situata komplikohet kur zbulojnë se partnerët e tyre aktualë, Cameron dhe Cassie, janë vëlla e motër.

Lexo edhe:

6 mënyra të thjeshta për ta bërë fëmijën t’ju dëgjojë që herën e parë

Si të zgjoheni pa alarm? Një javë mjafton për të rregulluar gjumin

Shumica e njerëzve bëjnë të njëjtin gabim me peshqirët, ja sa shpesh duhet t’i ndërrojmë për të shmangur bakteret

A e dinit se sot është Dita Botërore e Fotografisë?

Në film shfaqen edhe aktorë si Kristin Chenoweth, Jake Brennan, Dan Bucatinsky, Tim Meadows, Judy Reyes dhe Chris Parnell.

Vetëm dy ditë pas publikimit, filmi është bërë një nga më të ndjekurit në platformë, megjithatë, reagimet ndaj tij kanë qenë të përziera.

Sipas vlerësimeve të Rotten Tomatoes, filmi ka marrë 76% nga shikuesit, ndërsa kritikët i kanë dhënë vetëm 47%.

Shumë shikues e kanë cilësuar argëtues, duke vlerësuar humorin dhe kthesat interesante në fundin e historisë. Por disa kanë mbetur të zhgënjyer nga interpretimi i Lindsay Lohan dhe nga disa detaje të skenarit.