“Love Story” është kthyer në një spektakël mjaft të komentuar, jo vetëm për Saimirin i cili konsiderohet si “Princi modern”, por edhe për të gjitha vajzat konkurrente.
Dy prej vajzave që kanë tërhequr vëmendjen më të madhe, janë dy motra binjake, të cilat tashmë janë “rivale” për të fituar dashurinë e princit në fjalë.
Me kalimin e ditëve dhe puntatave të programit, kanë nisur edhe xhelozitë e para, të cilat i adresohen pikërisht motrave binjake.
Të pyetura përse Saimiri nuk i zgjodhi për një takim privat, dy konkurrentet Ariana dhe Suela u përgjigjën duke thumbuar binjaket.
“Na ka ruajtur për vend tjetër, mbase dyshe. Meqë doli në modë kjo dyshja. Prandaj erdhëm të dyja këtu, ta bëjmë edhe ne njëherë kështu,” janë shprehur ato. Ndërkaq, binjaket Silvana dhe Albana e kanë treguar që në fillim të programit që janë mjaft të drejtpërdrejta ndaj edhe kundërpërgjigjia prej tyre nuk do të vonojë shumë.
