Thursday, June 8, 2023

|

Disa muaj pas daljes nga burgu ndërron jetë Nehat Kulla, ‘Gjenerali’ që terrorizonte Tiranën në 1997

po lexohet

Ka humbur jetën si pasojë e një arresti kardiak Nehat Kulla, i cili njihej edhe me nofkën “Gjenerali”, i cili në vitin 1997 krijoi një “komisariat policie” në zonën e “Kinostudios”.

Nehat Kulla ndërroi jetë në shtëpinë e tij në moshën 67 vjeçare, disa muaj pas daljes nga burgu.

Kulla ishte dënuar me 20 vjet bùrg për vrásjen me paramendim të shtetasit Halim Gjuzi, ish-shoferi i ish-zv/ministrit të Arsimit, Halit Shamata. Kulla e ka vuajtur dënimin në bùrgun e Fushë-Krujës, që nga koha kur u arrestua në vitin 2005.

Disa javë më parë edhe vëllai i Nehat Kullës, punonjës në doganë humbi jetën për shkak të COVID-19.

BANDA E NEHAT KULLËS

Banda u krijua gjatë trazirave të vitit 1997. Në këtë situatë ai së bashku me familjarë e miq të tij mban të paprekur repartin “xhenios”, ndër të vetmit të padëmtuar gjatë sulmeve të popullsisë. Kulla, së bashku me të ashtuquajturit ushtarë të tij, e mban repartin nën kontroll për disa kohë, duke i vënë vetës edhe nofkën gjenerali, emër të cilin ia pagëzuan të gjithë banorët e zonës për të cilët ai ishte njeriu më me influencë. Madje, gjatë vitit 1997, kur shteti kishte humbur kuptimin e vet, ai arrin të krijojë një komisariat të mirëfilltë policie, ku u garantonte banorëve të Kinostudios dhe Tufinës qetësinë, duke mos lejuar asnjëri të futej në hartën e vendit ku ai kishte ndikimin e tij. Banda e tij kreu shumë vrasje dhe krime të tjera të frikshme.

të fundit

10 ditë nga dasma, Arbana Osmani dhe Eduart Grishaj nisin me “ahengun” (VIDEO)

Arbana Osmani dhe Eduart Grishaj do të martohen së shpejti me një ceremoni private në Toskana Itali. Është bërë e...

të ngjashëm