Ministri i Turizmit, Kulturës dhe Sportit, Blendi Gonxhe, ka deklaruar ditën e sotme se qeveria shqiptare ka refuzuar organizmin e një koncerti të këngëtares Jennifer Lopeznë Shqipëri, për shkak të kushteve financiare të vendosura nga artistja
Gjatë mbledhjes së Komisionit për Kulturën, Turizmin dhe Diasporën, Gonxhja u shpreh se Jennifer Lopez kërkoi një garanci prej 2 milionë eurosh në rast se koncerti do të ndikohej nga protesta, kërkesë që sipas tij, nuk është pranuar nga qeveria, për shkak të shumës së lartë.
“Kemi refuzuar Jeniffer Lopez se kërkonte 2 milionë euro garanci nëse do të ketë protesta. E kemi refuzuar se nuk ia japim dot garancinë, kjo është kosto e destabilizimit të vendit. Për ata që e duan Lopez në Tiranë, ta dinë që nuk e japim dot këtë garanci sepse na është dukur e pamundur për t’ia ofruar”,- tha Gonxhe, ndërsa ka justifikuar financimin prej 4.3 milionë euro për koncertin e Kanye West, para që qeveria shqiptare i hoqi nga fondi i emergjenës.
Lexo edhe:
Kjo deklaratë e Gonxhes vjen në një kohë kur Shqipëria nuk posedon as kushtet minimale për emergjencat civile, duke vërtetuar edhe njëherë se si qeveria shqiptare tallet me paratë e taksapaguesve, duke bërë marrëveshje financiare për koncerte që nuk jua zgjidhin hallet shqiptarëve.
