Bora Zemani dhe Donald Veshaj kanë qenë dyshja më e komentuar e shoqbizzit. Historia e tyre e dashurisë bëri “jehonë” në publik, deri sa gjërat morën një kthesë të papritur pas hyrjes së Beatrix Ramosajt në shtëpinë e Big Brother Vip.
Histori e re e Donaldit me Beatrix do të zgjaste vetëm brenda shtëpisë, pasi me daljen e aktorit çdo gjë mbaroi. Ndonëse nga ana e tyre nuk ka pasur reagime të prera, veprimet treguar se mes dyshes nuk kishte asnjë gjë.
Donaldi, pak javë më parë publikoi këngën e tij “Nuk je”. Me tekst të shkruar nga ai vet, kënga duket qartë që është një dedikim për moderatoren. Mes rreshtash, Donald thotë:
“Unë e di që jam idiot, ama jam idioti jot, më thuaj ti të lutem më thuaj pse, shikimin që ti kishe jo më nuk e ke, ja ku më le dhe as mbi re”.
Por një detaj i veçantë në klipin bardh e zi është numri 5 në fund të këngës.
Ky numër nuk është i rastësishëm për çiftin Donald-Bora. Në këtë datë, ata janë njohur me njëri-tjetrin. Madje, kur aktori ishte në shtëpinë e Big Brother, në datën 5 dhjetor i dhuroi moderatores një varëse dhe një pako me biskota.
Mirëpo tashmë është radha e Borës për të bërë një dedikim. Moderatorja ka një surprizë për publikun. Mbrëmjne e sotme ajo do nxjerrë këngën e saj “Nuk jam si ti”. Mesa duket edhe nga titulli i këngës, kjo mund të jetë një dedikim ose e thënë ndryshe një kundërpërgjigje për Donaldin. Ndonëse ditët e fundit në media është aluduar për një takim të mundshëm mes dyshes, asnjëri prej tyre nuk ka reaguar për ta pohuar ose mohuar këtë gjë.
