Pas arrestimit të Joz Markut, kanë dalë detaje të reja lidhur me çështjet për të cilat këngëtari pritet të hetohet. Përveç incidentit me Eduart Kuçin, në vëmendje është vendosur edhe përdorimi i pretenduar i shenjave identifikuese të Policisë.
Në pamjet e publikuara nga përplasja mes Jozit dhe Edit shihej një tabelë “STOP”, e ngjashme me ato që përdoren nga efektivët e Policisë për ndalimin e automjeteve. Deri tani nuk është sqaruar zyrtarisht se kujt i përkiste tabela apo në çfarë mënyre ishte siguruar.
Avokati i njohur, Alban Duraj thotë se Jozi mund të hetohet edhe për “mbajtjen apo përdorimin e paautorizuar” të shenjave apo identifikuesve të Policisë.
Ai thotë se neni 247 i Kodit Penal, duke pretenduar se mbajtja e uniformës, shenjave apo identifikuesve të Policisë nga persona që nuk janë punonjës policie mund të sjellë përgjegjësi penale.
Ky zhvillim vjen pasi u raportua se Joz Marku është ndaluar nga Policia në lidhje me përplasjen fizike me Edi Kuçin, ngjarje për të cilën ditët e fundit kanë qarkulluar disa video.
