Majlinda Demollari, një notere që ofronte shërbim në Tiranë, është arrestuar pas dy javësh nga specialistët e hetimit të krimeve Ekonomiko-Financiare. Ajo ishte shpallur në kërkim në Korrik 2025, pasi rezulton se ka shitur një apartament dy herë.
“Specialistët për Hetimin e Krimeve Ekonomike dhe Financiare kapën shtetasen e shpallur në kërkim në kuadër të operacionit “Apartamentet”, M. D., 57 vjeçe, pasi dyshohet se duke shpërdoruar detyrën si notere, ka përpiluar 2 kontrata shitjeje për të njëjtin apartament.
Në përfundim të veprimeve procedurale, pas konsultimit me prokurorin, për 57-vjeçaren nisi procedimi në gjendje të lirë, për veprën penale “Shpërdorimi i detyrës”, thuhet në njoftimin zyrtar të Policisë së Tiranës.
Lexo edhe:
Majlinda Demollari njihet gjerësisht dhe si “noterja e oligarkëve”, për shkak të shërbimit të saj ndaj biznesmenëve të fuqishëm, edhe përse shumë herë është vënë në qendër të investigimeve mediatike dhe policore.
Kanë qenë dy shtetas që kanë kallëzuar se janë mashtruar dhe menjëherë Policia e Tiranës nisi punën për zbardhjen e rastit. Në pranga ranë agjenti Marjo Qose, 31 vjeç, pasi për më shumë se një vit i ka marrë një 34-vjeçari, 75 000 euro, duke e mashtruar se do të blinte për llogari të tij një apartament; dhe Nani Kolovani, 48 vjeç, pasi ka shitur 2 herë, apartamentin e tij.
Në vijim të hetimeve për këtë rast u identifikua dhe u shpall në kërkim noterja që ka përpiluar dy herë kontrata për shitjen e këtij apartamenti, shtetasja Majlinda Demollari, 57 vjeçe. Pas dy javësh në arati, ajo është arrestuar.
Materialet procedurale për këtë rast iu referuan Prokurorisë së Tiranës, për veprime të mëtejshme.
