Fituesja e Big Brother VIP Albania 5, Selin Bollati, ka ndarë detaje nga marrëdhënia e saj me DJ Gimbon, duke zbuluar një surprizë të veçantë që mori së fundmi nga partneri i saj.
Gjatë një interviste ku ishte e ftuar së bashku me DJ Gimbon, Selin tregoi se ai e kishte surprizuar me një makinë luksoze të markës Audi, një dhuratë që, sipas saj, e kishte emocionuar shumë.
Ajo rrëfeu se surpriza ndodhi gjatë një fundjave familjare në një vilë, ku Gimbo kishte planifikuar gjithçka pa i treguar më parë.
“Para disa ditësh ishim mbledhur familjarisht në një vilë për të kaluar fundjavën dhe Gimbo vendosi të më bënte një surprizë. Më dhuroi një makinë dhe ma solli aty, pa më treguar asgjë më parë”, u shpreh Selin.
Fituesja e BBVA 5 tha se makina ishte pikërisht modeli që kishte dëshiruar, duke vlerësuar gjestin romantik të partnerit të saj.
Selin Bollati dhe DJ Gimbo u njohën gjatë qëndrimit në shtëpinë e Big Brother VIP Albania, ku lidhja e tyre u kthye në një nga historitë më të komentuara të edicionit.
Pas përfundimit të spektaklit, çifti ka vazhduar lidhjen edhe jashtë kamerave, duke ndarë shpesh momente nga jeta e tyre së bashku me ndjekësit.
