Drejtori i ‘Acromax’, Aldor Nini u paraqit në SPAK ku propozoi krijimin e një qendre për të monitoruar rrjetet sociale për zgjedhjet. Sipas tij, mediat sociale po sulmohen çdo ditë, ndërsa portale anonime përhapin informacione false. Nini thekson se ka kandidatë për zgjedhje që u m byllen profilet në rrjete sociale, duke u shprehur se “Po hidhen miliona euro që të ndikohet vota e qytetarëve”.
“Sot u paraqita në SPAK për të dorëzuar një propozim me masat që SPAK duhet të ndërmarrë lidhur me krimet për zgjedhjet që na presin në 2025. Lufta për votat nuk është tashmë vetëm, në terren siç edhe SPAK ka ngritur grupin e posaçëm për ti hetuar, por është në rrjetet sociale. Ndoshta dhe SPAK vetë dhe shumë etnitete të tjera nuk e dinë se çfarë po ndodh. Mediat tona zyrtare po sulmohen ditë më ditë pa filluar zgjedhjet, entitete anonime që t’i ndalojnë, që të mos informojnë publikun lidhur me informacionet që duhen përzgjedhje. Kemi media anonime që përhapin lajme falso në mënyre të paligjshme dhe platformat në këto raste nuk bëjnë asgjë. Kemi kandidatë që po kandidojnë për votat e populli tonë që u mbyllen profilet e Instagrami, Facebook dhe gjithë platformave të tjera me sulme që iniciohen nga kundërshtaret e tyre ose grupe interesash të ndryshëm”, tha Nini.
Para SPAK, në një prononcim për gazetarët, Nini shpjegoi edhe propozimin e tij për ngritjen e këtij qendre, ku thekson se në momentin që identifikohen shkelje mund të reagohet menjëherë për t’i ndaluar. Në propozim, parashikohet që çdo person mund të raportojë pranë kësaj qendre për sulmet që i ndodhin dhe meren masa nga SPAK dhe grupet e posaçme kundrejt platforma si Meta, YouTube, TikTok etj.
Lexo edhe:
“Ekzistojnë mundësi monitorimi për të identifikuar këto shkelje, po identifikimi nuk funksionin dot metodat që ka vepruar SPAK e Prokuroria deri tani. Ato metoda që ne i përdorim në një fushë tjetër, ia kemi propozuar SPAK se si në mënyrë të menjëhershme mund të identifikojnë shkelje e të tilla, mund t’i ndalojnë dhe me këtë sistem që i kemi propozuar, të krijojmë një klimë që këto lloj shkelje mund të evitohen në mënyre të shpejtë. Kjo përfshin ngritjen e një qendre digjitale, çdo person,ose gazetar mund të raportojë sulmet që i ndodh atij dhe të merren në mënyrë të menjëhershme masa nga SPAK dhe grupet e posaçme kundrejt platforma si Meta, YouTube, TikTok etj.
Ajo qendra që është propozuar nga SPAK dhe KQZ, është një qendër që do merret me këto shkelje, por me zgjidh e këtyre problemave me platformat digjitale ekziston një qendër e tillë. Po flasim për një qendër civile, nga ana e një kompanie ose disa etnitete që ndihmojnë SPAK dhe ekzekutimi nga ana ligjore kryhet nga SPAK. Na vijë politikanë, deputetë, portale të mirëfillta dhe na ankohen për këto lloj problemash, këto qendra ligjore mund të zgjidhin probleme në terren por me platforma nuk i zgjidhin dot, duhet të ekzistojë marrëveshja me këtë platforma”, theksoi Nini.
Nini tha se aktualisht kanë 30 ankesa për sulme.
“Ne i bëjmë se jemi entiteti i vetëm që i ka mundësitë teknike ose të komunikimit me këto platforma. Duhet një entitet që e ka marrë përgjegjësinë që të krijojë një klimë të ligjshme në zgjedhjet tona këtë vit. Meqë SPAK e ka marrë këtë target, menduam që SPAK është entiteti i duhur për ti bërë një propozim të tillë. Kemi parë në të kaluarën raportime që bëhen nga India, Rusia, janë të gjitha të paguara nga grupe interesash në Shqipëri. Kemi 30 ankesa me Meta të lidhur me lajme relevante për zgjedhjet të cilat mezi përpunohen, po raportojnë nga këto sulme që po ndodhin”, theksoi ai.
Drejtori i ‘Acromax’ ngriti edhe shqetësimin e falsifikimit të audiencës nga kandidatë të caktuar.
“Është edhe pjesa e falsifikimit të audiencës. Ka pasur raste ku entitet të ndryshme ka falsifikuar audiencën, është dukur sikur një kandidat ka pasur një audiencë shumë të madhe, por ato klikime ose ato shifra janë të falsifikuara në mënyrë që populli të mendojë që popullariteti i këtij kandidati është shumë i madh dhe t’i japë votën. Ne kemi konstatuar që po hidhen para me burime të dyshimta për të influencuar opinionin e publikut, jo në media zyrtare, por në media anonime.
Kjo qendër sipas konceptit tonë, është një qendër transparence. Çdo lloj ankese do jetë e verifikueshme dhe çfarë ka ndodhur nga kjo anekse. Në fund të zgjedhjeve në mund të japim edhe një raport se cilat çështje nuk janë hetuar. Konsulenca jonë është falas”, përfundoi Nini.
