Reperi i njohur, Stresi, është në arrati gati prej një viti. Ai u largua nga Shqipëria pas protestave të dhunshme që u organizuan dhjetorin e kaluar, për vrasjen e të riut Klodian Rasha.
Menjëherë pasi policia e shpalli në kërkim, Stresi u transferua në Londër. Por tani duket se ka vendosur që të rikthehet në Shqipëri. Reperi ka njoftuar përmes postimeve në rrjetet sociale, se java tjetër do ta gjejë në Tiranë.
Madje Stresi ka zbuluar edhe arsyen e kthimit të tij, dhe kanë të bëjnë pikërisht me projektet e reja muzikore.
“Unë jam rrugës. Besoj që nga java tjetër do të jem në Tiranë. Do të shihemi shpejt, këngët janë gati. Këngët do ta dalin shumë shpejt, do të jem për çdo shtëpi, çdo qytet, Kosovë, Shqipëri por kësaj radhe do ta nis koncertin nga Maqedonia, nga Kosova dhe pastaj do të zbres në Shqipëri. Ju përshëndes shumë të gjithëve. Ju kërkoj ndjesë, e di që jam vonuar me projektet e radhës por kam pasur shumë punë. Tani do ta bombardojmë industrinë, do të nxjerrim këngët e albumit që nuk janë dëgjuar kurrë”, është shprehur reperi.
