Numër i lartë vdekjesh dhe rastesh të reja në 24 orët e fundit, ministria: Zbatoni masat, në spital po trajtohen 119 pacientë

Ministria e Shëndetësisë dhe Mbrojtjes Sociale ka njoftuar sot se në 24 orët e fundit kanë rezultuar pozitië me COVID-19 dhe 120 qytetarë të tjerë dhe kanë humbur jetën dhe 4 pacientë. Në përditësimin e të dhënave, ministria e Shëndetësisë njofton se nuk e kanë fituar dot betejën me sëmundjen në dy spitalet Covid, një 58 vjeçare nga Kurbini dhe një dhe një 71 vjeçare nga Lushnja me disa sëmundje bashkëshoqëruese, një 61 vjeçar nga Durrësi dhe një 67 vjeçar nga Fieri.

Më tej njoftohet se sktualisht në spitalin Infektiv dhe spitalin “Shefqet Ndroqi” po trajtohen 119 pacientë, 18 janë në terapi intensive, 6 prej të cilëve pacientë të intubuar. Ndërkohë sot janë kryer 510 testime dhe janë 2274 raste aktive dhe që nga nisja e pandemisë kanë humbur jetën 161.

NJOFTIMI I PLOTË

Lexo edhe:

I njohur për lidhjet me muxhahedinët dhe kriminelët, shpallet në kërkim bashkëpunëtori i parë i atentatit në Rinas

SKANDALI/ Posta Shqiptare kthehet në filial të Iute Credit, promovon mikrokreditë me interesa “peshkaqenësh” ndaj qytetarëve

Ministrja Ibrahimaj: Partneriteti strategjik Itali–Shqipëri, një urë e fortë drejt rritjes ekonomike dhe integrimit evropian

Të kapur për krahu, Rama dhe Meloni zbresin një e nga një shkallët në Villa Doria Pamphili

Ministria e Shëndetësisë dhe Mbrojtjes Sociale ju informon rreth situatës së COVID19 në Shqipëri në 24 orët e fundit. I drejtohemi të gjithë qytetarëve të tregojnë kujdes me ruajtjen e higjienës personale, me mbajtjen e distancës fizike, vendosjen e detyrueshme të maskës në ambientet e mbyllura dhe kudo ku nuk është e mundur të ruhet distanca fizike. Fatkeqësisht, nuk e kanë fituar dot betejën me sëmundjen në dy spitalet Covid, një 58 vjeçare nga Kurbini dhe një dhe një 71 vjeçare nga Lushnja me disa sëmundje bashkëshoqëruese, një 61 vjeçar nga Durrësi dhe një 67 vjeçar nga Fieri. Ministria e Shëndetësisë dhe Mbrojtjes Sociale i shpreh ngushëllimet familjarëve. Aktualisht në spitalin Infektiv dhe spitalin “Shefqet Ndroqi” po trajtohen 119 pacientë, 18 janë në terapi intensive, 6 prej të cilëve pacientë të intubuar.

Në 24 orët e fundit, janë kryer 510 testime për të dyshuar të prekur me COVID19, nga të cilat janë konfirmuar 120 raste pozitive.Shpërndarja gjeografike e rasteve është si vijon: 57 raste në Tiranë, 15 në Durrës, 8 në Kavajë, 7 në Krujë, 6 në Elbasan, 5 në Korçë, nga 4 raste në Kurbin, Pogradec, nga 3 raste në Lushnje, Tropojë, nga 2 raste në Shkodër, Tepelenë, nga 1 rast në Vlorë, Divjakë, Belsh, Prrenjas.

Gjatë 24 orëve të fundit janë shëruar 9 qytetarë, duke e çuar numrin e të shëruarve në 2961, që nga fillimi i epidemisë. Ministria e Shëndetësisë dhe Mbrojtjes Sociale edhe një herë ka një lutje për qytetarët dhe bizneset të tregojnë kujdes dhe të zbatojmë me rigorozitet masat e vendosura, sepse virusi është ende mes nesh.  Nëse keni shenja të sëmundjes telefononi në numrin e Urgjencës Kombëtare 127 dhe në linjën e gjelbër 0800 40 40 për këshillim psikologjik apo çdo informacion për Covid19.

COVID-19 – Statistika (1 Gusht 2020): Testime totale 41709; Raste pozitive 5396; Raste të shëruara 2961; Raste Aktive 2274.  Humbje jete 161 (Qarku Tiranë 83, Shkodër 24, Durrës 21, Fier 9, Elbasan 6, Kukës 4, Vlorë 4, Korçë 4, Lezhë 3, Dibër 2, Berat 1). Shpërndarja gjeografike e rasteve aktive sipas qarqeve: Tiranë 1251; Durrës 277; Shkodër 211; Vlorë 95; Fier 85; Lezhë 84; Korçë 68; Kukës 66; Elbasan 55; Gjirokastër 31; Berat 27 dhe Dibër 24.