Jemi në periudhën e shpërthimit të virusit COVID-19 dhe shumë njerëz janë prekur nga ky virus. Për disa ka sjellë simptoma të rënda që i ka detyruar të shtrihen në spital dhe të marrin mjekimet e duhura, ndërsa të tjerë po e kalojnë si një grip të thjeshtë gjithmonë duke u izoluar nga pjesa tjetër e shoqërisë.
Për fatin e tyre të keq, personazhet e njohur do duhet të përballen dhe me opinionin publik kur lajmi se janë infektuar me COVID-19 bëhet publik. Kështu ka ndodhur në rastin e personave të njohur në vend.
Flor Binaj
Aktori i njohur i humorit, Florjan Binaj, ka bërë me dije dy ditë më parë, me anë të një postimi në Instagram se është prekur nga Covid-19. Aktori i Portokalli ka treguar se është vetëizoluar dhe se nuk ka asnjë simptomë.
Lexo edhe:
Dekor Sahiti
Menaxheri i grupit Babastars ka rezultuar pozitiv me Covid-19. Vetë Dekori e ka bërë publike lajmin, madje është shfaqur dhe në intervista në Skype aty ku ka treguar se gjendja e tij shëndetësore është e mire dhe ka zgjedhur të izolohet për të ruajtur familjarët e tij.
Julian Gjaci
Aktori shqiptar që ushtron profesionin e tij në SHBA, Julian Gjaci ka qënë i infektuar me COVID-19 dhe ka treguar përmes një postimi se si e ka përballuar situatën.
Ai ka treguar se virusi futet në trup si njësi speciale dhe për 2 ditë të paralizon.
Muhamet Sejdiu
Këngëtari nga Gjakova, Muhamet Sejdiu dhe bashkëshortja e tij Xhevahirja rezultuan pozitivë me Covid-19 në muajin Mars. Ai sapo ishte kthyer nga Gjermania.
Gjatë një interviste Sejdiu tha se para se ta merrte vesh që ishte infektuar me Covid-19, lajmi ishte publikuar në media.
Jetmir Hyseni
Këngëtari kosovar Jetmir Hyseni ka qenë i infektuar me koronavirus dhe ka qëndruar në spital për 23 ditë. Ai arriti ti mbijetonte luftës me koronavirusin falë kujdesit të mjekeve.
Prindërit e Bebe Rexhës
Bebe Rexha ka zbuluar gjatë një interviste se prindërit e saj janë prekur nga koronavirusi dhe tani janë duke u rikuperuar nga kjo sëmundje.
“Ata morën virusin, dhe për disa javë ishin shumë të sëmurë, dhe unë isha tejet e nervozuar”. Bebe jeton në Los Angeles ndërsa prindërit e saj në New York dhe ajo është shprehur se kishte menduar udhëtimin në Neë York për të qëndruar pranë tyre.
Adriatik Alimadhi
Deputeti i PD-së në Kuvendin e Shqipërisë, Adriatik Alimadhi, ka rezultuar pozitiv me Covid-19. Së bashku me të është infektuar edhe bashkëshortja e tij.
Qëndron Kastrati
Kryetari i Komunës së Kamenicës në Kosovë, Qëndron Kastrati, ka njoftuar se ka dalë pozitiv me koronavirus. Ai ka njoftuar se nuk ka simptoma të sëmundjes dhe se do të qëndronte i vetizoluar në shtëpi.
Lutfi Haziri
Kryetari i Komunës së Gjilanit, dhe nënkryetari i LDK’së, Lutfi Haziri ka bërë të ditur se është vetizoluar, pasi që ka qëndruar në një ambient me personin që doli se është i prekur nga koronavirusi.(Dosja)
