Kjo puntatë e “Nostalgji muzikore” ishte si gjithnjë e veçantë, e i ftuari ishte tepër ekskluziv.
Për herë të parë pas shumë kohësh, Robert Berisha u bë pjesë e një interviste ku foli për tema të ndryshme e na zbuloi shumëçka.
Gjatë intervistës, nuk kishte se si të mos pyetej edhe lidhur me atë që ndodhi para disa muajsh në familjen e tij që ishte ndarja nga jeta e nënës së Robertit. Lidhur me këtë temë ai tregoi momentet e dhimbshme dhe një histori tepër të ndjerë pas ndarjes nga jeta të saj:
Lexo edhe:
“Edhe kur kam bërë postimin, kam menduar që do të kisha forcë për të shkruar më shumë, por e kam lënë vetëm me ‘Kam shumë me thënë për ty, por po e lë me kaq…’, sepse kam humbur një shoqe. Kam humbur një shoqe që nuk e kisha problem ta ftoja e njihja me shoqërinë time, edhe Nora po ashtu, sepse ishte zonjë e vërtetë.”- tregoi ai.
Më pas i prekur ai shtoi:
“Më mungon shumë. Kur isha në Amerikë e kisha ditëlindjen, më shkoi mendja ta merrja në telefon. Duhet kohë e gjatë që ta besoj se ka ikur nga kjo jetë, e mora në Viber dhe i kam ende mesazhet me të në telefon, të cilat do i ruaj gjatë se janë kujtime shumë të bukura…” – rrëfeu i përlotur ai.
Ju mund të ndiqni intervistën e plotë nëpërmjet linkut të mëposhtëm, e ju mirëpresim në javën tjetër me të tjerë të ftuar specialë…
