Në emisionin “Pjaca” që startoi sot në Radar.al, gazetari Alfred Peza zhvilloi një bisedë me komentatorin sportiv Dritan Shakohoxha, ku u diskutua mbi investimet e fundit të futbollistit të Kombëtares shqiptare Rei Manaj.
Peza përmendi komentet në rrjetet sociale pas lajmit se Manaj kishte blerë dy hotele në jug të Shqipërisë, ku disa përdorues aludonin për origjinën e të ardhurave të tij.
Lexo edhe:
Në reagimin e tij, Shakohoxha foli për sakrificat që, sipas tij, qëndrojnë pas suksesit të sulmuesit shqiptar.
“Ta dijë ai se si i rrjedh gjaku pikë atij Reit e djersa çurg, e çfarë stresi heq ai djalë, ai dhe prindërit e tij”, u shpreh Shakohoxha.
Ai rrëfeu edhe një episod nga fëmijëria e Manajt, duke treguar se historia e familjes së tij nisi me emigrimin drejt Itali.
Alfred Peza: Rei Manaj para pak ditësh bleu dy hotele në Jug të Shqipëri dhe kishte bërë top pin një koment që thoshte “hë moti se lekët e politikanëve zbardh”. Dhe ai i përgjigjej, o robo me të ardhurat që kam unë…
Dritan Shakohoxha: Ta dijë ai se si i rrjedh gjaku pikë atij Reit e djersa çurg e çfarë stresi heq ai djalë, ai dhe prindërit e tij. Se kjo puna që blen ato hotele Rei Manaj E di ku fillon, fillon atë natën që hipën në skaf, që nëna e vetë e mbante në gji 2 vjeç. Iku me skaf me nënën dhe tezen e vetë, i ati e priste në Itali duke punuar natë e ditë. Pasi dy muajsh në Itali i kthyen prapë.
