Pas ribashkimit të tyre, të gjithë menduan se Mozzik dhe Loredana janë më të dashuruar se kurrë më parë me njëri-tjetrin. Por pasi bënë disa pushime së bashku dhe bashkëpunime në muzikë, duket se mes tyre ka ndodhur sërish diçka.
Të parët që vunë re se mes dyshes gjërat nuk shkonin mirë, ishin fansat e tyre. Ata kuptuan se dy reperët e njohur nuk e ndiqnin më njëri-tjetrin në rrjetet sociale. Pas kësaj, Mozzik postoi në “Instastory” disa shprehje, që hapur dukeshin si thumba kundrejt Loredanës.
“Mos i lejoni idiotët t’ju prishin ditën. Mos harroni të doni veten të parën. Rregulli numër 1: Bëj çfarë të bën ty të lumtur. Vetëm sepse ju mungon dikush s’do të thotë se doni kthimin e tij pas në jetën tuaj. Mungesa është vetëm një pjesë e të ecurit para. Mos e kërko lumturinë në të njëjtin vend ku e humbe një herë!”, thuhet në postimet në fjalë.
Por edhe Loredana nuk qëndroi në heshtje dhe iu përgjigj Mozzik me postime në “Instastory”. Ajo ndau me ndjekësit një pjesë të shkëputur nga kënga “Let you down” të reperit NF.
Lexo edhe:
“Mos më fol më, nuk do të funksionojë tani. Paketova gjithë rrobat e mia dhe u largova. As nuk dua të shkoj në shtëpinë tënde. Çdo herë që ulem në atë kolltuk më duket sikur më bën leksion. Përfundimisht, hedh bast se ne mund ta kishim bërë të funksiononte dhe me shumë mundësi do të kisha zgjidhur gjërat. Por mendoj se jam e zhgënjyer”, thuhet në këngën që Loredana publikoi në rrjetet sociale.
Ndërsa tani, reperja e dashur për publikun ka hedhur një tjetër thumb në “Instastory”, duke treguar se gjithçka që kërkon prej një mashkulli koha dhe vëmendja e tij, asnjëherë gjërat materiale.
“S’kam patur kurrë nevojë për një mashkull me para sepse gjithçka që dua është koha, vëmendja dhe përpjekja”, thuhet në postimin e Loredanës.
