E mbijetuara e vetme e aksidentit tragjik në Qafë-Muzinë, Gerta Dabërdini ka reaguar për herë të parë pasi furgoni ku po udhëtonte ajo përfundoi në humnerë dhe si pasojë humbën jetën 5 persona.
Fatkeqësisht, nga ky aksident humbën jetën 4 pasagjerë të furgonit dhe shoferi, i cili kishte disa vite që e bënte linjën Tiranë-Sarandë. 24-vjeçarja, Dabërdini, u transportua me urgjencë në spitalin e Traumës dhe mësohet se ajo ka thyerje të krahut dhe ka kryer një operacion.
Gerta tregon se nuk ka folur për asnjë media, pasi ishte e tronditur nga ngjarja që kishte ndodhur. 24-vjeçarja kujton edhe njëherë momentin kur rreth saj kishte 5 persona të vdekur dhe në asnjë moment nuk ka dalë para gazetarëve për të shprehur lumturinë se ishte gjallë.
Mes rrëfimit të saj, Gerta thotë se nuk është kontaktuar aspak nga një familjar i shoferes që drejtonte Land Roverin, e cila është arrestuar. Sipas saj kjo nuk ka asnjë rëndësi, por thjesht që dikush kishte mbetur gjallë.
“Jam lënduar shpirtërisht dhe fizikisht që nuk kam mundur t’ju përgjigjem të gjitha mesazheve tuaja, por Zoti e di sa falënderuese jam ndaj të gjithëve. Diçka të rëndësishme. Unë nuk isha dhe nuk jam shtatzënë dhe nuk dola kurrë p[ara gazetarëve të tregoja faktin sa e lumtur isha që isha gjallë. U lodha duke lexuar lajmë që nuk janë të vërteta, e deklarata egoizmi, kur rreth vetes para 5 njerëz që nuk merrnin frymë. Ngushëllime familjarëve! Faleminderit juve që jeni pranë meje”, shkruan ajo në një postim në rrjetet sociale.
