Si fillim, duhet të siguroheni për disponibilitetin dhe pastaj do kaloni në veprim. Ndoshta nuk ju ka shkuar ndërmend, por ky është gjithashtu rregulli i parë që duhet të keni parasysh para se të filloni njohjen romantike me dikë.
Duhet të dini nëse personi me të cilin po dilni është aty, prezent dhe i disponueshëm për ju në çdo aspekt dhe jo vetëm fizikisht. Të duash të njihesh me dikë nuk do të thotë që je i disponueshëm në mënyrë romantike. Ka nga ata që janë në një lidhje dhe ndonëse këmbëngulin që janë prezent, në të vërtetë nuk janë.
Kur dikush është ende i dhënë pas dikujt, nuk mund të jetë aty për ty
Lexo edhe:
Pavarësisht dëshirave dhe përpjekjeve, nëse personi tjetër mendon apo ndjen për dikë që s’je ti, është e vështirë që marrëdhënia juaj të jetë e plotë. Raporti do të ketë shumë “të çara” që me kalimin e kohës do të përkeqësohen nëse gjërat nuk fliten dhe ju s’komunikoni.
Kur dikush është i varur nga substancat narkotike/alkooli, etj nuk mund të jetë disponibël për marrëdhënie romantike.
Sepse thjesht nuk është prezent emocionalisht dhe mendërisht në ato momente.
Nëse ai/ajo udhëhiqet nga një frikë që vjen si pasojë e një traume s’mund të jetë prezent.
Një ndarje e dhimbshme që është ende plagë e hapur, shkakton probleme në njohjen e re. Një tradhti, divorc apo thjesht frika për t’u përfshirë 100% e bëjnë të pamundur që lidhja të jetë e shëndetshme.
Nëse është në një lidhje, harrojeni- nuk mund të jetë prezent me ju
Pavarësisht deklaratave të dashurisë, njohja me dikë që ka një tjetër marrëdhënie paralelisht me ju- do t’ju shkaktojë probleme dhe me shumë gjasa, një zemër të thyer në fund.
Kur të thotë nuk jam gati, besojeni sepse ndoshta nuk është vërtetë!
Edhe nëse ju kombinoni mrekullisht mirë me njëri-tjetrin, ndonjëherë thjesht s’është momenti i duhur. Koha është element kyç që e bën një lidhje të funksionojë ose jo. Që një raport të jetë i shëndetshëm, të dy duhet të jeni gati për ta vënë njëri-tjetrin në krye të listës së prioriteteve, prandaj bëhuni selektivë.
