Fisnik Syla foli për “Abc-ja e mëngjesit” me moderatorin Alban Musa për akuzat për mashtrim. Biznesmeni pretendon se kompania turistike që e akuzon se nuk pa paguar tarifën e udhëtimit në Maldive po mashtron. Për më tepër, ai tha se dhe video përgjimi që publikuan mediat në Kosovë është montuar.
Partneri i këngëtares Fjolla Morina theksoi se është kërcënuar prej muajsh ndërsa shtoi se do të depozitojë dhe një kallëzim penal. Biznesmeni shpjegoi mes të tjerash se nuk e di për çfarë agjensie bëhet fjalë. Ndërkaq, ai u ndal dhe te marrëdhënia me Fjollën, pasi është përfolur se janë ndarë. Ai pranoi se janë bashkë dhe shumë mirë me njëri-tjetrin.
“Mirë vetëm kaq, nuk kam qejf të hyj shumë në privatësi. Është një gënjeshtër nuk ka asgjë të vërtetë aty, është një montim total.” tha ai pasi u pyet nga Albani për thashethemet e ndarjes dhe shtatzënisë së Fjollës.
