Mes kujdesit për fëmijët, punës dhe detyrimeve të përditshme, shumë nëna e lënë veten në fund të listës. Por ekspertët theksojnë se kujdesi për veten nuk është luks, por një pjesë e rëndësishme e mirëqenies.
Sipas Klinikës Mayo, edhe disa minuta në ditë të dedikuara për veten mund të ndihmojnë në uljen e stresit dhe lodhjes.
Kërkoni ndihmë dhe vendosni kufij. Nuk është e nevojshme t’i bëni të gjitha vetë. Pranimi i ndihmës dhe mësimi për të thënë “jo” mund t’ju krijojë kohë për veten.
Lexo edhe:
Organizoni ditën. Një kalendar ose listë detyrash mund të ndihmojë në shmangien e kaosit dhe ndjenjës së mbingarkesës.
Mos neglizhoni gjumin, ushqimin dhe aktivitetin fizik. Këto janë baza të rëndësishme për energjinë dhe mirëqenien e përditshme.
Planifikoni kohë vetëm për veten. Nuk duhet të jenë orë të tëra. Një shëtitje, një kafe me një mikeshë, leximi i një libri apo edhe 10 minuta qetësi mund të bëjnë ndryshim.
Ekspertët rekomandojnë të nisni me hapa të vegjël dhe realistë. Kujdesi për veten nuk do të thotë të neglizhoni familjen, por të krijoni energjinë dhe hapësirën e nevojshme për t’u përballur më mirë me përditshmërinë.
