Dua Lipa dhe Callum Turner kanë kurorëzuar dashurinë me martesë në një ceremoni intime të zhvilluar në Londër.
Çifti zgjodhi një organizim privat, larg vëmendjes së madhe mediatike, ku morën pjesë familjarë dhe miq të afërt. Atmosfera elegante dhe diskrete pasqyroi stilin që ka karakterizuar gjithmonë marrëdhënien e tyre.
Vëmendjen më të madhe e mori padyshim paraqitja e këngëtares. Dua u shfaq me një veshje të bardhë elegante, të frymëzuar nga stili ikonik i Bianca Jagger në vitet ’70, duke zgjedhur një interpretim modern të look-ut klasik të nusërisë. Aksesorët minimalistë dhe detajet e rafinuara e plotësuan pamjen e saj, e cila u komentua gjerësisht në rrjetet sociale.
Lexo edhe:
Martesa e tyre vjen pas një historie dashurie që prej muajsh ka qenë në qendër të vëmendjes së fansave, ndërsa lajmi për kurorëzimin e lidhjes ka ngjallur reagime të shumta në mbarë botën.
