Alban Skenderaj ka folur në emisionin “Më lër ta mbaroj” lidhur me tregun e muzikës dhe mënyrën se si matet sot suksesi i një artisti. Këngëtari u shpreh kritik ndaj faktit që club-et po konsiderohen si treguesi kryesor i vlerësimit për artistët.
Sipas tij, edhe pse ka kënduar vetë për 20 vite në club-e, ato nuk mund të jenë e vetmja njësi matëse për karrierën dhe vlerën e një artisti.
“Në momentin që njësia matëse për artistët janë club-et, diçka nuk shkon. Jo se kanë diçka të keqe club-et sepse kam kënduar vetë 20 vjet, por nuk mund të jetë e vetmja njësi matëse se ku është një artist”, u shpreh ai.
