“A lind njeriu GAY, apo bëhet i tillë gjatë jetës?” Kjo pyetje bëhet shpesh sa herë diskutohet mbi homoseksualitetin. Në fakt sipas disa studimeve të fundit, është arritur në konkluzionin se gjysma e rinisë tërhiqen nga gjinia e njëjtë. Sondazhi është bërë tek disa të rinj në Mbretërinë e Bashkuar të moshave 18-24 vjeç. Kujtojmë që në komunitetin Gay bëjnë pjesë edhe disa të famshëm, përmendim këtu Cara Delevingne, aktoren e Riverdale, Lili Reinhart, yllin e muzikës pop Miley Cyrus, vajzën e Will Smith Willow dhe aktorin Keiynan Lonsdale.
Gjithashtu studimi është provuar tek personat e moshave 41-54 vjeç, teksa u zbulua se 76% e grupmoshës, tërhiqeshin nga seksi i kundërt dhe pjesa tjetër nga seksi i njëjtë. Sondazhi është zhvilluar tek 1,127 persona në MB dhe 1,005 në SH.B.A. Ekspertë në psikologjinë e orientimit seksual në Universitetin Trent në Ontario, Kanada, Karen Blair kanë deklaruar se këto rritje të personave gay tregon përballje me presione të jashtme për t’iu përshtatur heteroseksualitetit.
Gjithashtu në SHBA mësohet se 5.6% e amerikanëve bëjnë pjesë në komunitetin LGBTQ. Që nga sondazhi i vitit 2017 e deri më tani është vërejtur se numri i individëve gay është rritur me 1.1%. Kulmin e arriti në vitin 2012, me rreth 18 milion të anëtarësuar si LGBTQ. Mësohet se nga këto rezultate, është arritur në përfundimin se 3.1% e amerikanëve identifikohen si biseksual, 1.4% si homoseksual, 0.7% si lezbike dhe 0.6% si transgjinorë.
