Ish-banorja e Big Brother Xhensila Pere bëri një deklaratë për këngëtaren e njohur si Xheisara.
E ftuar në emisionin “Ekspuls”, ajo tha se ishte zhgënjyer nga Xheisara se “nuk më pëlqen që bëhet gjithmonë sebep për ndarje çiftesh”.
Deklarata e saj ka të bëjë me lajmet që qarkulluan një vit më parë se këngëtarja ka ndërhyrë mes Romeo Veshajt dhe Jonida Maliqit.
Xheisara ka reaguar ashpër në rrjetet sociale, duke i thënë që të mos bëjë si Nënë Tereza.
“E di që të gjithë jeni të habitur më përgjigjen e Xhensilës tek #EXPULS. Askush, nisur dhe nga unë, nuk e priste që mikja imë prej shumë vitesh të tregohej kaq e sinqertë në atë lloj forme. E dashur Xhensila! Bën mirë të heqësh dorë nga të qenurit Nënë Tereza dhe merakosu për burrin tënd dhe lej burrat e botës se e gjejnë direkt ngushëllimin!”,- ka shkruar ajo.
