Një aksident i rëndë rrugor i ka marrë jetën dy personave këtë të shtunë në Malësinë e Madhe.
Viktimat janë Nikollë Bluda, 76 vjeç, dhe i biri, Valentin Bluda, 32 vjeç.
Dyshohet se automjeti tip “Benz”, me drejtues të riun, ka humbur kontrollin dhe është përplasur me një reklamë metalike në një rrethrrotullim. Përplasja ka rezultuar fatale për të dy pasagjerët.
Lexo edhe:
Në vendngjarje mbërritën forcat e policisë dhe ambulanca, ndërsa dhjetëra qytetarë u mblodhën pranë zonës së aksidentit. Hetimet paraprake sugjerojnë se humbja e kontrollit të mjetit ishte shkaku kryesor i tragjedisë.
Ngjarja ka tronditur komunitetin lokal, ku babë e bir njiheshin si pjesë e një familjeje të respektuar.
