Pas shumë akuza të bëra ndaj kryebashkiakut të Tiranës, drejtoria e Përgjithshme e Burgjeve ka reaguar duke përgënjeshtruar deklaratën e SPAK e cila njoftoi se gjendja gjyqësore e Erion Veliajt si “i dënuar” kishte ardhur nga certifikata e dërguar prej tyre.
Në një reagim për mediat, Drejtoria e Burgjeve njofton se Veliaj rezulton i padënuar në Regjistrin e Gjendjes Gjyqësore.
Reagimi i plotë:
Lexo edhe:
Në përgjigje të interesimit të mediave, Drejtoria e Përgjithshme e Burgjeve bën me dije se, në përgjigje të kërkesës së Prokurorisë së Posaçme Kundër Korrupsionit dhe Krimit të Organizuar, me shkresën nr. 2215/prot., datë 12.02.2025, ka përcjellë vërtetimin e gjendjes gjyqësore për shtetasin E. V., i biri i L. dhe Sh., lindur më 17.12.1979.
Pas verifikimeve në Regjistrin e Gjendjes Gjyqësore, ai rezulton i padënuar dhe ndaj tij janë dhënë tre vendime pafajësie.
Sqarojmë se, në rastet kur kërkohet vërtetimi me historik, përfshihen edhe të dhënat mbi vendimet e mëparshme, përfshirë pafajësitë apo vendimet e rehabilitimit, në përputhje me legjislacionin në fuqi.
Pra, çdo herë kur printohet Vërtetimi i Gjendjes Gjyqësore me shënime, del dhe statusi i dënuar si në këtë rast.
