Teksa prej ditësh ndodhet i shtruar në spitalin Evangelismos në Athinë, burimet bëjnë me dije se gjendja shëndetësore e kryepeshkopit Anastas Janullatos ka qenë në përkeqësim.
Mediat greke raportojnë se Janullatos hyri me urgjencë në sallën e operacionit, pasi pati gjakderdhje gastrike.
Kisha Ortodokse njoftoi më herët se gjendja shëndetësore e Kryepeshkopit pësoi një përkeqësim të menjëhershëm dhe se ai u transferua në njësinë e kujdesit intensiv.
Lexo edhe:
“Përditësim i gjendjes shëndetësore të Fortlumturisë së Tij, Kryepishkopit të Shqipërisë, z. Anastas
Gjendja shëndetësore e Fortlumturisë së Tij, Kryepiskopit të Shqipërisë, z. Anastas, ka pësuar një përkeqësim të menjëhershëm dhe ai është transferuar në njësinë e kujdesit intensiv, ku ndodhet i intubuar. Nga administrata e spitalit”, shkruhet në postimin e Kishës Ortodokse.
Kujtojmë se kryepeshkopi Anastas Janullatos u transferua më 3 Janar nga Tirana në spitalin “Evangelismos” në Athinë me një avion të Forcave Ajrore të Greqisë.
