Aktorja dhe moderatorja e njiohur shqiptare Rudina Dembacaj së fundmi na zbuloi një histori sa emocionuese aq dhe të frikshme nga momenti kur erdhi në jetë vajza e saj, Viktoria.
Aktorja na zbuloi se lindja e të voglës ka qenë një eksperiencë shumë e veçantë, pasi Viktoria erdhi në jetë pothuajse pa frymë dhe me një ngjyrë blu.
Rudina më tej shpjegoi për një moment, ajo dhe mjekët u tronditën pasi vogëlushja nuk po qante dhe mjekët u përpoqën t’i jepnin ndihmën e parë.
Ajo ka zbuluar se ishte e shqetësuar për gjendjen e saj, ndërsa mjekët po vepronin me shpejtësi.
“Viktoria kishte kordonin e mbështjellë tri herë rreth qafës dhe nuk ishte parë në ekografi, ndaj momenti ishte shumë i tensionuar,” tha Rudina.
“E kam sjellë në jetë me operacion në datën që kërkova 28 dhjetor, doja të përkonte me ditën e lindjes së babait të saj. Vajza lindi pothuajse ngjyrë blu dhe mjekët nuk e komentuar për momentin, unë po ndjeja një lloj paniku gjatë lindjes, panik tek mjekët. E kuptova që nuk ishin të qetë.
Viktoria nuk po qante dhe doktori po bënte lëvizje që nuk ishin normale, kisha parë lindje të tjera, isha përgatitur. Viki e kishte kordonin 3 herë rreth qafës, gjë që nuk ishte dalluar më parë në eko. Ajo lindi pothuajse pa frymë dhe kur biseduam me doktorin nëse do ishte vonuar dhe pak mund të kishte ndodhur fatalja. Nuk reagova fare, ndoshta u mpiva dhe kur e mora në krah ishte një ndjesi e jashtëzakonshme. Mora inat gjithë njerëzit që nuk ma kishin treguar që ishte aq e mrekullueshme, nuk u mora me pjesën se çfarë ndodhi.
Thjesht falënderova Zotin. Jam natyrë emocionale por kam tendecën për ta kthyer në humor. Viktoria ka qenë një nga opsionet që e kam pasur, e ka pasur ime motër para.’
