Alban Ramosaj dhe Ronela Hajati ishte ndër pretendentët kryesorë për të fituar edicionin e 60-të të Festivalit të Këngës. Pas fitores së kësaj të fundit, u duk sikur mes tyre u kris dhe raporti miqësor. Albani nuk e mbështeti këngëtaren, të paktën jo publikisht, por pati një përplasje me Agim Doçin.
Doçi tha se ai duhet të konkurronte për Kosovën në Eurovision, deklaratë e cila solli reagimin e ashpër të tij. Për më tepër, tezja e Albanit, Albërie Hadërgjonaj bëri një postim thumbues pasi Ronela nuk kaloi në finalen e Eurovision. “Me këtë(Rona Nishliun) nuk qeshi Evropa po na zbardhi faqen”, shkroi Albërie.
Lexo edhe:
Ndërkohë, së fundmi, Ardit Gjebrea ka bërë një postim të papritur në Instagram. Ai ka publikuar një foto të Ronelës me Albanin ku shihen pranë njëri-tjetrit duke parë telefonin por ajo çka tërhoqi vëmendjen ishte mbishkrimi i fotos: “Gati për shihemi në gjyq? Apo mos është efekti i dashurisë ‘magjike’”.
Më tej, vihet re komenti që ka lënë Eni Çobani teksa ka shkruar: “Një seancë nga ato që nuk harrohen” duke etiketuar dy këngëtarët. Sigurisht kjo duket një shaka nga ana e Arditit. Nuk dihet se çfarë po kurdisin artistët por shpresojmë për një duet në edicionin e këtij viti të Këngës Magjike.
