Çifti i njohur i showbizit shqiptar, Orinda Huta dhe Turjan Hysko janë bërë prindër për herë të parë në korrik të vitit të kaluar. Ata kanë mirëpritur në jetë vajzën e tyre të cilën e kanë quajtur Atara.
Së fundmi çifti ishin në një intervistë për “Prive” ku kanë folur rreth problemeve të para të shtatzënisë, jetës si prindër dhe kuptimin e emrit të veçantë të vajzës.
Duke folur për jetën si baba, Turjan Hysko ka rrëfyer për të prindërimi nuk është i vështirë për sa kohë ka shumë dashuri dhe dëshirë. Ai tregoi se mundohet të ndihmojë në rritjen e vajzës së tyre, ku veçoi se shpesh e qetëson bashkëshorten e tij kur ka momente paniku.
Më tej ai shprehu se është gati edhe për një fëmijë tjetër, madje tha se është pishman që nuk ka bërë fëmijë më herët.
“Është kurorëzimi i një marrëdhënie të gjatë të bukur, por qershia mbi tortë është Atara. Uroj që qershitë të shtohen, mos të jetë vetëm Atara. Unë nuk kam pasur kurrë frikë, e kam ditur gjithmonë çfarë do bëhet me jetët tona. I vetmi pishman që kam është që duhet të kishim bërë fëmijë më herët sepse mendoj që është kurorëzimi i gjithçkaje.
Vetërealizimi më i madh njeriut mendoj që është fëmija. Në momentin e parë nuk mendoja ta mbaja në dorë, por ma vuri ajo mamia dhe që në atë moment e kuptova që prindërimi nuk është shumë i vështirë nëse ka shumë dashuri dhe nëse do vërtet që të bëhesh. Isha i bindur që Orinda do të ishte shumë e mirë me Atarën, kjo ka ca pasiguri që nuk e di pse i ka. Unë mundohem me aq mundësi sa kam dhe ajo që bëj me qejf është që ta qetësoj Orindën kur ka momente paniku.”- tregoi Turi.
Në lidhje me kuptimin e emrit “Atara”, Turi shprehu se ka një domethënie të veçantë për atë dhe Orindën.
“Unë që atë ditë (ditën kur zbuloi gjininë) fillova të mendoj emrin e bebit dhe fillova të bëja një short-listë. E bëra short-listën të tillë që Atara të ishte emri më i bukur, sepse Orinda ka qenë shumë e hutuar atë periudhë. Emri është shumë domethënës, Atara do të thotë kurorë në gjuhën hebre. Në fund të ditës Atara është kurora jonë, kurora e dashurisë tonë.”- zbuloi ai.
Gjithashtu çifti folën edhe për jetën seksuale pas lindjes së bebes. Të pyetur se cili nga ata ankohet më shumë se jeta në shtrat ka ndryshuar pas lindjes së Atarës, Turi tha:
“Se kemi thënë këtë, por që në fillim ndryshonte, se disa gjëra nuk i preknim dot (qesh)”
Nga ana tjetër Orinda Huta zbuloi periudhën e vështirë gjatë dhe pas shtatzënisë kur ishte infektuar dy herë me Covid-19. Ajo tha se herën e parë ishte shumë stresuese për të dhe i dukej sikur “gjithçka është kthyer përmbys” por tregoi se e ka kaluar këtë situatë me ndihmën e doktorëve.
Sa i përket rritjes së vajzës, ajo tha se motra e saj ka qenë një ndihmesë e madhe për të.
“E para përvojë ka qenë kur isha një muajshe shtatzënë. Ishte një stres më vete sepse mezi e kishim pritur Atarën dhe dukej se çdo gjë u kthye prap përmbys ndaj edhe me ndihmën e nevojshme nga doktorët pata mundësi që të ruaja qetësinë. Unë e kam kaluar herën e parë vetëm me dush edhe me nja dy paracetamola sepse nuk doja të fusja asnjë lloj medikameti në trupin tim.
Kur erdhi Atara në jetë, më zuri dhe mua edhe Atarën. E kaluam të dyja me shumë dashuri dhe më shumë përkushtim ndaj njëra-tjetrës.
Fati ynë i madh ka qenë që unë kam pasur dhe motrën që ka qenë një mbështetje shumë e madhe në këtë rrugëtim tonin. Sa herë kisha nevojë për ndihmë, për një fjalë më tepër ajo ka qenë aty për të më ndihmuar. Është shumë e domosdoshme që të kërkoni ndihmë.”- tregoi Orinda.
