Ishte viti 2019 kur Dua Lipa u bë bionde dhe menjëherë pamja e saj e re bëri bujë gjithandej. Këngëtarja e famshme me origjinë shqiptare ka ndryshuar herë pas here modelin e flokëve dhe në 2020-n u kthye te ngjyra kafe e errët.
Por mbrëmjen e djeshme, Dua u shfaq sërish bionde dhe me flokë të gjatë në çmimet Grammy 2022.
E veshur me një fustan Versace ngjyrë të zezë, Dua Lipa rrëmbeu gjithë vëmendjen me transformimin mahnitës. E parë për herë të fundit në “Instagram” brune, me sa duket Lipa e kishte mbajtur këtë ‘as nën mëngë’ pë natën madhështore.
Lexo edhe:
Dua ka vendosur që rrënjët t’i mbajë më të errta ndërsa nuanca është gati platin. Këtij ndryshimi kaq të madh këngëtari vendosi mos t’i shtojë ndonjë model ekstravagant duke i mbajtur flokët të drejtë teksa kishte bërë një makeup natyral.
Si çdo vit, edhe këtë herë Dua zgjodhi të vishej nga Donatella Versace që i kishte stiluar asaj një fustan të zi me detaje ngjyrë ari, që daton nga koleksionin “Miss S&M” në 1992. Fustani elegant i zi, ishte i çarë në pjesën e pasme duke nxjerrë në pah siluetën e Duas.
Ajo bashkë me Megan The Stallion u ngjitën në skenë për të dhënë çmimin “Artistja e re më e mirë” që u fitua nga Olivia Rodrigo.
