Donald Veshaj ka qenë kryefjalë e mediave kohët e fundit. Pas daljes nga shtëpia e Big Brother VIP, aktori i humorit ka shmangur intervistat nëpër media por është angazhuar nëpër performanca në klube bashkë me Romeon dhe Elgit Dodën.
Së fundmi, ai ka treguar se ndodhet në Prishtinë ku dhe është takuar me Ylli Limanin. Ai ka ndarë një video në Instastory ku dëgjohet Ylli teksa i thotë se kënga “Besom” në bashkëpunim me Dj PM dhe Dagz ka shkuar afro 8 milionë klikime.
Ylli thotë se kënga e publikuar 4 vite më parë kishte 500 mijë klikime ndërsa tani ka arritur këtë shifër vetëm pasi u bë virale momenti ku Donaldi e këndonte në Big Brother. “Je në borxh” shprehet Donaldi me humor.
