“Big Brother VIP” nuk ka përfunduar akoma! Sot, në studio e Top Channel është “Post Big Brother Vip”.
Ish-banorët dhe fituesi, balerini Ilir Shaqiri janë mbledhur të gjithë bashkë për të xhiruar spektaklin, ndërsa nuk i kanë kursyer as postimet në rrjetet e tyre sociale.
Ndërkohë që mbrëmë, këngëtari Ardit Çuni, i cili gjithashtu ka pjesë pjesë e spektaklit paralajmëroi xhirime që priten të zgjasin më shumë se 10 orë. Në një video në Instagram ai tha se do të analizohej çdo situtatë e krijuar në shtëpi, përfshirë edhe largimin e tij që hapi debat të ashpër me këngëtaren Filloreta Raçi.
Debatet e sherret duket se do të jenë të garantuara edhe kësaj herë, por mbetet për t’u mësuar se si do të jenë marrëdhëniet e tyre pas përfundimit të bashkëjetesës për thuajse 4 muaj.
Në xhirime ka munguar aktori i njohur Donald Veshaj i cili doli i dyti pas Ilirit. Nuk dihet në kjo ka të bëjë me çështje personale të aktorit apo me një konstestim të mundshëm të rezultatit.
