Këngëtari Bojken Lako ka bërë një rrëfim ndryshe për jetën e tij. I ftuar në emisionin e showbiz-it “Pikë”, ai preku pak edhe temën e substancave narkotike, të cilën e ka folur edhe më herët, duke rrëfyer luftën personale me këtë varësi.
Teksa tregonte pak për atë periudhë, Bojken u shpreh: “Kjo është temë shumë delikate dhe theksoj që duhet bërë shumë kujdes. Unë isha me fat, por të rinjtë e sotëm janë më abuziv sesa ishim ne dikur. Duhet të heqin dorë para se gjërat të arrijnë në një pikë pa kthim”.
Ndërsa më tej, teksa u pyet nëse ka qenë ndonjëherë i arrestuar, Bojken pranoi se po dhe është arrestuar pikërisht për drogë.
Lexo edhe:
“Nuk e kam treguar kurrë publikisht këtë”, pranoi Lako, ndërsa nuk dha detaje të tjera për këtë temë.
Kujtojmë që kohët e fundit Bojken Lako ka qenë në qendër të vëmendjes mediatike edhe për ndarjen me partneren e tij, këngëtaren Semi Jaupaj.
