Moderatorja Argjira Spanca ka folur dje publikisht për marrëdhënien që ka me nënën e partnerit të saj, balerinit Graciano Tagani. Çifti sapo janë rikthyer nga pushimet e para verore së bashku, për t’u bërë gati për sezonin e ri televiziv.
Teksa ishte e ftuar në “Ftesë në 5”, Argjira tregoi se e ka prezantuar Gracianon tek familja e saj në Prishtinë dhe se tani marrëdhënia e tyre është e zyrtarizuar.
“E pritën shumë mirë. Mami e ka njohur Gracianon edhe nga ekrani se si është. Normalisht që në fillim ishte pak dyshuese që ‘Kush na qenka ky?; ‘Ku doli ky?’; ‘Ku e takove?’; ‘Si e takove?’. Mami është e dashuruar pas Gracianos dhe shpesh kur kemi ato sherret e vogla mes nesh, mami mban anën e Gracianos, sepse thotë: ‘Ti je me nerva, ai është çun i mirë, i edukuar, s’ta kthen fjalën’.
Lexo edhe:
Janë krijuar aleancat. Ndërsa unë e kam aleancën me mamin e Gracianos. Për mua është shumë e rëndësishme familje, njësoj edhe për Gracianon dhe normalisht kur ka harmoni nga të dyja palët, është shumë mirë”,- tha Argjira.
Ndërkohë, e pyetur për raportin që ka me vjehrrën e saj, blogerja tha: “Pijmë çdo ditë kafe me vjehrrën. Ajo e ka punën përballë shtëpisë sime dhe jemi komshije. Çdo mëngjes që ajo vjen te puna, unë i them: ‘Hajde se kam bo kafen turke. Hajde te nusja’. Unë e bëj vetë kafen, kam qejf ta shijoj aty te ballkoni. Jam trandicionale unë.
Kur shkon për të bërë shopping m’i çon të gjitha me radhë dhe më thotë: ‘Hë, ta marr këtë, ta marr atë?’. Ka filluar të marrë këshillat e mia, stilin tim”.
Argjira zbuloi se nënën e Gracianos e thërret në emër dhe zbuloi edhe arsyen, kur tha: “Ornela e thërras, në emër, sepse e kam si shoqe të ngushtë. Me Ornelën flas çdo gjë. Që nga hallet me shoqet, që nga hallet e punës, që nga hallet me Gracianon, ajo e di çdo detaj, sepse jemi shumë shpesh bashkë.
E kam shumë xhan, nuk e konsideroj fare vjehrrë. E kam shumë xhan me të vërtet, e dua shumë. Gjithmonë mban anën time, kritikon Gracianon”.
E pyetur se cili ka qenë rasti i fundit që vjehrra i ka dalë në krah, Argjira tregoi momentin kur kishte debatuar me Gracianon, sepse i kishte ushtruar shumë trysni për shkak të punës.
“Ornela i tha: ‘Ore do pushosh ti apo të të nxjerr nga shtëpia? Mos ma ngacmo gocën, se mjaftueshëm është e stresuar’. Edhe filloi: ‘Ti je si shpirt, ti do e bësh më së miri, ti do ja dalësh’”,- rrëfeu Spanca.
