Këngëtarja shqiptare e muzikës ‘live’, Gigliola Haveriku ka tërhequr vazhdimisht vëmendjen e mediave me jetën e saj private.
Prej një muaji në media po përflitet se këngëtarja i ka dhënë fund lidhjes së dashurisë disavjeçare me aktorin, Amos Zaharia ose siç njihet ndryshe edhe si djali i Yllka Mujos.
E pyetur gjatë një interviste për “Edicionin Veror”, nëse kjo verë të gjeti single apo të dashuruar, Gigliola ka kaluar plot humor përgjigjen, duke thënë se ka një marrëdhënie me muzikën.
“Unë kam shumë vite në fakt në një marrëdhënie të gjatë, të shëndetshme, të bukur me muzikën”, tha ajo.
Më tej, e pyetur se cili është aktori i saj i preferuar shqiptar, bukuroshja ka nisur të qeshë dhe ka kërkuar të kalohet te pyetja e radhës.
“Vazhdojmë, tjetra. Po të isha e sinqertë do përmendja një emër të bukur, por jo”, u shpreh ajo.
