Ambasadorja amerikane në Tiranë Yuri Kim është pyetur ditën e sotme nga gazetarët në lidhje me shpalljen “non grata” të ish kryeministrit Sali Berisha nga DASH.
Ajo tha se koha e pandëshkueshmërisë ka marrë fund. “Nuk kam asgjë tjetër për të shtuar përveç asaj që ka thënë sekretari i shtetit. Mesazhi është ky: Shqipëria po ndryshon, është anëtare e NATO-s, Shqipëria do të jetë anëtare e BE. Shqipëria është një aleate dhe mike e SHBA. Shteti ligjor duhet të prevalojë, duhet të jetë një vend i pasur. Për të arritur aty, askush nuk mund të jetë mbi ligjin. Kështu që ditët e pandëshkueshmërisë duhet të marrin fund. Ky nuk është një projekt i SHBA, apo i juaji, po një projekt që së bashku mund ta bëjmë”, u shpreh Kim.
Këto deklarata ajo i bëri në Pashaliman, ku po ndjek “Defender 21”, stërvitjen nga deti. “Me mijëra trupa nga SHBA po dhe aleatë të tjerë të NATO-s do të thotë një rritje domethënëse në aftësitë tona për të bashkëpunuar së bashku. Këtë javë kemi vizituar Bizën për të parë operacionet e uljes ajrore. Sot në Pashaliman për të parë operacionet detare. Stërvitja më e madhe në Ballkanin Perëndimor. Do të shihja më shumë mundësi zhvillimi ekonomik të vendit sepse është një vend i shkëlqyer. Kjo është diçka që duhet të punojmë së bashku, sepse unë kam pjesën time por dhe ju keni rolin tuaj”, tha më tej ambasadorja.
