Moderatorja e njohur, Marina Vjollca, feston sot 31-vjetorin e lindjes. I pari që i bëri dedikimin në mënyrë publike ishte bashkëshorti i saj, Getoar Selimi. Reperi i njohur postoi në “Instagram” një foto të saj e bashkëngjitur me të bëri urimin romantik.
“Disa njerëz lexojnë libra dhe dëgjojnë histori për të gjetur kuptimin e dashurisë. Gjithçka më duhet të bëj është të shoh në sytë e tu. Gëzuar ditëlindjen bashkëshortja ime e dashur”, shkroi Getoari krahas fotos së Marinës.
View this post on Instagram
Por sigurisht që në këtë ditë të veçantë të Marinës, nuk mund të mungonte për asnjë moment urimi i motrës së saj, Luana Vjollca. Moderatorja e dashur për publikun ka ndarë me ndjekësit momentet më të bukura me Marinën.
“Gëzuar ditën e lindjes gjysma ime! Marina Vjollca je bekimi i jetës! P.S: Tradita e publikimeve vazhdon me videot që i bëjmë për qejf”, ka shkruar Luana në urimin e saj për Marinën.
