Edhe Kenan Thompson bëri humor me faktin se Leonardo DiCaprio lidhet vetëm me vajza nën 25 vjeç. Gjatë ceremonisë së Emmy Awards 2022, komediani i “Saturday Night Live” uroi aktoren Zendaya për ditëlindjen e saj të 26-të që e festoi pak ditë më parë ndërsa nuk kurseu dhe një kment për DiCaprion.
“Zendaya mbushi 26 vjeç javën e kaluar, gëzuar ditëlindjen. 26 vjeç është një moshë e çuditshme në Hollywood,” tha Thompson. “Dua të them se je mjaft e re për të luajtur një nxënës të shkollës së mesme, por je shumë e vjetër për të dalë me Leonardo DiCaprio,” tha ai.
