Vrasja në xhirime, Alec Baldwin reagon ndaj akuzave se kërkoi një armë më të madhe

Alec Baldwin ka mohuar të ketë kërkuar një armë më të madhe Colt përpara se të qëllonte gabimisht ndaj Halina Hutchins në xhirimet e filmit Rust.

Aktori 63-vjeçar ka postuar në Twitter një artikull nga Newsweek i cili pretendonte se ai kishte kërkuar një armë më të madhe përpara të shtënave aksidentale.

“Kjo, në fakt është një gënjeshtër,” shkroi Baldwin krahas artikullit. “Zgjedhjet në lidhje me ndonjë rekuizitë nga unë për filmin RUST u bënë disa javë para fillimit të prodhimit. Të sugjerosh se çfarëdo ndryshimi është bërë para të shtënave fatale është e rreme,” shtoi ai.

Lexo edhe:

Izraeli do të organizojë festivalin me të madh të LGBTQ në Lindjen e Mesme

“Më shkatërrove jetën”, detaje të reja nga vrasja e trefishtë e shqiptarëve në Itali

Rritja e çmimeve të karburanteve, shoferët e transportit publik në Paris dalin në protestë

I kishte borxh një pasagjereje 890 euro, gjykata austriake sekuestron avionin e Ryanair

Postimi i tij erdhi pasi policia në New Mexico lëshoi ​​një urdhër për telefonin e tij, pas të shtënave fatale të 21 tetorit.

Urdhri i kërkimit, i kërkuar nga sherifët e Santa Fe, autorizon policinë të shqyrtojë të gjitha mesazhet me tekst dhe fotot në iPhone-en e aktorit, si pjesë e hetimit të tyre.