Aktorja e njohur, Egla Ceno, ka ndarë së fundmi me ndjekësit e saj në rrjetet sociale, një moment të ndjerë. Përmes një postimi në “Instastory”, fituesja e “Big Brother VIP 3” ka zbuluar një periudhë të vështirë personale që lidhet me gjendjen shëndetësore të nënës së saj.
Në foton e publikuar, Egla shfaqet në një ambient spitalor, me serum në krah, një detaj që tregon situatën delikate që po përjeton. Përmes disa rreshtave të sinqertë, aktorja rrëfen lodhjen jo vetëm fizike, por edhe emocionale që vjen nga përkushtimi ndaj një personi të dashur që po përballet me sëmundjen.
“Puna të lodh trupin, por përkushtimi ndaj sëmundjes së nënës të lodh shpirtin. Vjen një moment kur trupi dorëzohet”, shkruan Ceno, duke prekur ndjekësit me fjalët e saj.
Lexo edhe:
Në mesazhin e saj, aktorja e njohur ndalet edhe te rëndësia e shëndetit, duke e cilësuar atë si “kapitalin e vetëm që nuk mund ta blesh”. Egla apelon për më shumë kujdes ndaj vetes, sidomos në momentet kur energjia dhe vëmendja jonë i dedikohet të tjerëve.
Në përfundim, Ceno shpreh mirënjohje për mjekët, stafin e spitalit dhe strukturat shëndetësore që po e mbështesin gjatë kësaj periudhe, ndërsa lë të kuptohet se situata mbetet ende në zhvillim.
“Puna të lodh trupin por përkushtimi ndaj sëmundjes së nënës të lodh shpirtin. Vjen një moment kur trupi dorëzohet. Shëndeti është kapitali i vetëm që nuk mund ta blesh dhe mund ta humbasësh pa e kuptuar. Kujdesuni për të afërmit e zemrës por mos harroni veten. Unë e di pse vazhdoj të qëndroj. Faleminderit gjithë strukturave dhe mjekëve që po më ndihmojnë në këtë situatë të re për mua”, ka shkruar ajo në postimin në Instastory”.
