Romeo dhe Donaldi rikthehen sërish në ekran, këtë herë larg televizionit tradicional dhe më pranë publikut në platformat digjitale. Dy vëllezërit e njohur do të jenë tashmë pjesë e X-Media në YouTube dhe X-Radio në frekuencën 107.7 FM, me një program të ri që premton humor spontan dhe biseda pa filtra.
Formati i tyre më i ri titullohet “Prit ta mbaroj!”, një përplasje e ëmbël mes humorit dhe të vërtetave të përditshme, që sjell një frymë ndryshe për publikun. Projekti shënon rikthimin e shumëpritur të Romeos dhe Donaldit bashkë në ekran, pas eksperiencave të tyre të suksesshme televizive.
I ftuari i parë i programit do të jetë Alban Skënderaj, i cili vjen me krijesën e tij më të re, “Rrënjët”. Emisioni do të transmetohet çdo të shtunë, në orën 20:00, në X-Media në YouTube dhe në X-Radio.
