Kryeministri Edi Rama thotë se Tirana do të ketë Ogerta Manastirliun si kryebashkiake, pasi sipas tij, ajo ka treguar se është një menaxhere e zonja.
Në episodin 4 të podcastit të tij, Rama u shpreh se opozita, është aq e dëshpëruar, sa ka zgjedhur si kandidat një aktor humori, i cili ka bërë dikur për të qeshur, edhe në Kongresin e PS.
Rama shtoi se edhe Vlora, do drejtohet nga një grua.
“Dy qytete të dorës së parë për Shqipërinë, që do të drejtohen nga dy gra. Ato janë padiskutim fituese. Këneta është kaq e dëshpëruar sa ka nxjerrë kandidat një aktor humori, i cili, madje edhe Kongresin e PS e ka shkrirë gazin. Nuk e gjykoj aktorin e ri për rolin e ri që ka marrë. Ogertën që t’i japë Tiranës drejtimin e duhur”, shtoi Rama.
